مع بداية امتحانات الثانوية العامة وزيادة الضغط النفسي على الطلاب، يأتي امتحان اللغة الثانية في وقت حساس يحتاج تنظيم، تركيز، وتحضير جيد، سواء كنت بتذاكر فرنساوي، ألماني أو أي لغة تانية، النجاح مش بس بالحفظ، لكن كمان بالطريقة اللي بتراجع بيها،علشان كده، جمعنالك 5 نصائح عملية تساعدك تذاكر بفعالية وتدخل اللجنة وإنت واثق ومستعد، وفقا لموقع NHS البريطاني.
ركز على مصدر واحد ترتاح له
بدل ما تتشتت بين منصات التعليم، فيديوهات، ومذكرات كتير، اختار مصدر واحد تحس إنه بيسهلك المعلومة،ممكن يكون مدرس بتحبه، قناة تعليمية موثوقة أو مراجعة نهائية مرتبة،التركيز على مصدر واحد هيخليك أسرع وأنظم في المراجعة
اقرأ أيضا..10 نصائح للطلاب تساعدهم على تحصيل العلم واستثمار الوقت
دوّن ملاحظاتك بايدك
ما تكتفيش بس بالمشاهدة أو السمع. خليك دايما ماسك كشكول أو ورق صغير تكتب فيه القواعد المهمة والكلمات الصعبة، الملاحظات دي هتكون كنزك في آخر ليلة قبل الامتحان، وهتوفر عليك وقت وجهد كبير.
حل امتحانات السنين اللي فاتت
امتحانات الأعوام السابقة هي أقوى تدريب على شكل الأسئلة وطريقتها، خليك جربت تحلها كأنك في اللجنة، علشان تقيس مستواك الحقيقي وتعرف محتاج تركز فين بالظبط.
ما تهربش من نقاط ضعفك
لو في نقطة مش فاهمها أو قاعدة مش واضحة، ما تعديهاش،ارجع للمدرس أو اسأل حد فاهم،الأحسن تواجه الصعوبة في البيت، مش في اللجنة.
خد راحة تنشطك، مش تكسلك
المذاكرة المستمرة من غير استراحة بتجهد المخ، كل نص ساعة، خد 5-10 دقايق بريك،قوم تحرك، اشرب حاجة، غير جو… ده هيساعدك تركز أكتر وتراجع بكفاءة أعلى.
السر مش بس في عدد ساعات المذاكرة، لكن في الطريقة اللي بتذاكر بيها،خليك منظم، واثق، وراجع بذكاء، وهتقدر تعدي امتحان اللغة الثانية بأقل توتر وأفضل نتيجة
الكلمات الدالة : امتحانات الثانوية العامة الضغط النفسيوفي نهاية المقال نود ان نشير الى ان هذه هي تفاصيل قبل امتحان اللغة الثانية.. 5 خطوات تخليك تذاكر بذكاء ومن غير توتر وتم نقلها من صحافة الجديد نرجوا بأن نكون قد وفقنا بإعطائك التفاصيل والمعلومات الكامله .
علما ان فريق التحرير في صحافة 24 نت بالتاكد منه وربما تم التعديل علية وربما قد يكون تم نقله بالكامل اوالاقتباس منه ويمكنك قراءة ومتابعة مستجدادت هذا الخبر او الموضوع من مصدره الاساسي.
المزيد من التفاصيل من المصدر - (اضغط هنا)